Meer oor Media24

m24map

Media24 is Afrika se voorste mediamaatskappy met belange in koerante, tydskrifte, digitale uitgewery, drukkerye, verspreiding, boekuitgewerye, aanlyndienste en e-handel. Media24 is deel van Naspers, ‘n toonaangewende groep van internasionale media- en e-handelsplatforms.

Visie en strategie

In watter soort bedryf is ons?

Innoverende multi-platform mediaprodukte en -dienste geskep deur passievolle mense om die lewe van ons gebruikers wêreldwyd te verryk.

Watter diens verskaf ons?

Ons lig in, vermaak, voed op en verbind mense met mekaar deur druk-, digitale en e-handelplatforms.

Wat is ons strategie?

Om Media24 te vernuwe om relevant en nuttig te bly vir ons gebruikers en kliënte en waarde vir ons aandeelhouers te skep.

Ons waardes

Die kernwaardes wat Media24 se werkswyse inspireer, is moed, integriteit, verantwoordbaarheid en respek.

  1. 2010 – 2014

    Netwerk24 loods met die saamvoeging van voortreflike inhoud uit Beeld, Die Burger, Volksblad en Rapport op ’n enkele Afrikaanse nuuswerf, 2014 | spree.co.za word bekend gestel en word vinnig die gewildste e-modewinkel in Suid-Afrika, 2013 | Prof Rachel Jafta word aangestel as voorsitter van Media24, 2013 | News24 loods Izindaba24, die eerste isiZulu-nuusdiens in Suid-Afrika, 2012 | News24 loods MyNews24, die eerste nuusgerigte platform met gebruikergeskepte inhoud in Suid-Afrika, 2012 | The Natal Witness word ’n volfiliaal van Media24, 2012 | Esmaré Weideman word aangestel as uitvoerende hoof van Media24, 2011

  2. 2001 – 2010

    City Press vier sy 25ste bestaansjaar, 2008 | Media24 verhoog sy belang in Paarl Media Beherend tot 94,7%, 2007 | Son, ’n Afrikaanse poniekoerant, verskyn as dagblad, 2006 | 24.com word gestig na die samesmelting van Media24 se digitale afdeling en MWEB Studios, 2006 | Welkom Yizani, Media24 se breedgebaseerde swart ekonomiese bemagtigingskema, word geloods. Dit bly die grootste SEB-aandeelaanbod in die Suid-Afrika drukmediabedryf, 2006| Daily Sun word bekend gestel met ’n sangoma, wat ook ’n verslaggewer is, wat towerspreuke en gebede aan die voorvadergeeste opdra, 2002 | On the Dot, Media24 se logistieke en verspreidingsafdeling, word gestig, 2000 | Media24 se drukperse word onder die vaandel van Paarl Media herorganiseer, 2000 | Media24 verkry ’n 74%-belang in Soccer-Laduma, die grootste aktiewe sokkergemeenskap in Suid-Afrika, 2000 | Media24 word gestig toe Naspers sy nuus- en drukmedia-ondernemings onder die Media24-handelsmerk herstruktureer, 2000

  3. 1990 – 2000

    News24 word bekend gestel en word vinnig die voorste aanlyn-nuusbron in Suid-Afrika, 1998 | Media24 is die stigtersborg van die Klein Karoo Nasionale Kunstefees (KKNK), 1995 | Die Oos-Kaapse koerant Oosterlig word by Die Burger ingelyf, 1993 | Jonathan Ball Publishers, voorste uitgewer en verspreider van Engelse boeke in Suid-Afrika, word verkry, 1991

  4. 1980 – 1990

    Leisure Hour (nou Leisure Books) word gestig, 1982; City Press en die twee tydskrifte Drum en True Love (& Family, soos dit toe bekend was) word verkry, 1984 | Die Afrikaanse finansiële tydskrif Finansies & Tegniek sien die lig, 1985 | Die maatskappy neem JL Van Schaik Uitgewers oor en Van Schaik Boekhandel word die jaar daarna gestig, 1986 | Die tydskrif YOU word geloods nadat marknavorsing getoon het dat daar ’n geleentheid vir ’n Engelse Huisgenoot bestaan, 1987

  5. 1970 – 1980

    Die Afrikaanse boekklub Leserskring word gestig, 1979 | Human & Rousseau Uitgewers word verkry, 1978 | Beeld se eerste uitgawe verskyn, 1974 | Via Afrika, ’n opvoedkundige uitgewer, word op die been gebring, 1970 | Die Sondagkoerante Beeld en Dagbreek smelt saam en word Rapport, 1970

  6. 1960 – 1970

    Die eerste Sondagkoerant, Die Beeld, word uitgegee, 1965 | FAIRLADY word as die eerste kommersiële Engelse titel in die groep onder redakteurskap van Jane Raphaely uitgegee, 1965 | Nasou, uitgewer van opvoedkundige boeke, word gestig, 1963

  7. 1950 – 1960

    Tafelberg Uitgewers word verkry, 1959 | Nasionale Boekhandel word gestig, 1950

  8. 1940 – 1950

    Die tydskrif SARIE word geloods, 1949

  9. 1930 – 1940

    Die Oos-Kaapse dagblad Oosterlig word bekend gestel, 1937

  10. 1920 – 1930

    Die Volksblad, voorheen ’n weeklikse koerant, word ’n dagblad, 1925 | Die maatskappy gee sy eerste boek in ’n inheemse taal uit, isiXhosa, 1922

  11. 1915 – 1920

    Landbouw-weekblad (nou Landbouweekblad) word in Bloemfontein bekend gestel, 1919 | Die maatskappy gee sy eerste Engelse boek uit – Republicans and Sinners deur CJ Langenhoven, 1919 | De Burger Boekhandel en De Burger Leeskring word op die been gebring en lê die grondslag vir boekuitgewery, 1918 | Het Volksblad word verkry en verander sy naam na Die Volksblad (nou Volksblad), 1917 | De Huisgenoot (nou Huisgenoot) word vir die eerste keer uitgegee, 1916 | De Burger (nou Die Burger) verskyn die eerste keer, 1915 | Nasionale Pers word in die lewe geroep, 1915