Werk Vir Ons

Media24 se innoverende mediaprodukte en -dienste op veelvuldige platforms word deur passievolle mense geskep om die lewens van ons klante wêreldwyd te verryk. Ons bied loopbaangeleenthede op ’n verskeidenheid gebiede, van joernalistiek, ontwerp, verkope, logistiek, sagteware-ontwikkeling en groot data tot modebeplanning en -aankope. By Media24 het jy die geleentheid om op van Suid-Afrika se geliefdste mediahandelsmerke en saam met die talentvolste mense in die bedryf te werk. Klik hier vir vakante poste of om op ons talent-databasis te registreer. Wanneer jy jou profiel skep, onthou om die skakel te stel sodat jy outomaties ’n boodskap ontvang sodra’n geleentheid op jou gebied opduik.

Geleenthede vir Gegradueerdes

Aansoeke word nou ingewag vir Media24 se bekroonde Program vir Gegradueerdes, wat in Januarie 2018 begin. Ons soek gegradueerdes op die gebied van rekenaarwetenskap, rekenaaningenieurswese en handel om vir ’n internskap van een jaar by ons aan te sluit. Suksesvolle kandidate sal in Media24 se florerende digitale uitgewery- en e-handelsafdelings in Kaapstad op ’n mentor-ondersteunde internskap-program geplaas word. As jy dus belangstel om as ’n sagteware-ontwikkelaar, produkbestuurder of digitale bemarker by koel handelsmerke soos Spree of News24 te werk, het ons moontlik ’n geleentheid vir jou. Dis die ideale manier om jou loopbaan af te skop.

Daar is ook ’n ander opsie… Ons bied ook aan 20 uitgesoekte gegradueerdes die geleentheid om by een van 2018 se opwindendste projekte aan te sluit – ’n gesalarieerde leerprogram vir ontluikende ontwikkelaars, The Hub. Dit is ’n toegewyde sagteware-ontwikkelingsprogram waar ons kandidate met hoë potensiaal kies en hulle in spesifieke programmeertale en ook loopbaanbestuur oplei. Dit is vir persone wat hul programmeringsvaardighede wil slyp, spesifiek in PHP, ASP.Net, Java Script en Android. Dié opleidingsprogram duur 12 maande en word deur ons vennootskap met die innoverende Cape IT Initiative by hul beginkantoor in Woodstock, Kaapstad aangebied. Hier sal leerders internasionaal erkende kwalifikasies verwerf terwyl hulle ook gedurende die hele jaar aan ons besigheid blootgestel word, om saam te werk, te hack te vind en ons ontwikkelingspanne te help.

Klik hier om meer uit te vind of om enige van bogenoemde geleenthede aansoek te doen. Of “like” ons op Facebook by media24.grad24 om meer uit te vind oor die Program vir Gegradueerdes.

Aansoeke sluit Vrydag 25 Augustus 2017.