Ons versamel persoonlike inligting wat ons nodig het om aan jou ons dienste te lewer soos geadverteer. Ons versamel en gebruik net die minimum persoonlike inligting wat ons nodig het om ons dienste te lewer en te verbeter.

Voorbeelde van persoonlike inligting wat ons kan insamel en verwerk, sluit in: jou naam; e-pos- en/of fisiese adres; landlyn- of selfoonnommer; inligting oor ligging en in sekere omstandighede (mits jy uitdruklik toestemming gegee het dat ons hierdie persoonlike inligting versamel en verwerk) jou ras of etniese oorsprong; geslag; ouderdom; godsdienstige of filosofiese oortuigings; finansiële, gesondheids- of biometriese inligting; kultuur; taal; opvoedkundige of werkgeskiedenis.

Ons versamel en ontvang inligting oor jou op die volgende wyses:

• Vorms invul, vir ’n rekening registreer, of vir toegang tot of die gebruik van ons dienste inteken of registreer.
• Vir promosiekompetisies inskryf of vraelyste voltooi.
• Kommentaar of inhoud op ons Platforms plaas.
• Een of meer van ons produkte of dienste koop.
• Ons kontak.

Inligting wat ons versamel of ontvang wanneer jy ons Platforms, produkte of dienste gebruik

Ons kan outomaties inligting versamel oor die toerusting wat jy gebruik om toegang te verkry tot of ons Platforms te gebruik, en oor jou blaai-aksies en -patrone. Ons doen dit deur koekies, webmerkers en ander tegnologieë te gebruik.

’n Koekie is ’n klein tekslêer wat ons bediener na jou harde skryf stuur wanneer jy ons Platforms besoek. Hierdie koekies bevat ’n klein hoeveelheid data wat spesifiek op jou en ons Platforms betrekking het. Hulle stel ons stelsel in staat om jou te herken wanneer jy ons Platforms weer besoek. As jy verkies dat ons nie koekies gebruik wanneer jy ons Platforms gebruik nie, kan jy jou blaaier-instellings verander om die gebruik van koekies af te skakel/te deaktiveer. Neem egter kennis dat indien jy die gebruik van koekies afskakel/deaktiveer, jy miskien nie al die kenmerke en funksionaliteite van ons Platforms sal kan gebruik nie.

’n Webmerker is ’n klein beeldlêer wat ons op ons Platforms of in ’n e-posboodskap plaas. Ons gebruik dit om na te spoor hoeveel keer ’n webblad besoek word, hoe lank dit besoek is en die ligging van gebruikers wat dit besoek het.

Na gelang van hoe jy toegang tot ons Platforms verkry en hulle gebruik, kan ons die volgende ontvang:

• Aanmeld-inligting, insluitend inligting oor hoe, wanneer en vir hoe lank jy ons Platforms en ander dienste gebruik, die inhoud waarna jy kyk en die soektogte wat jy doen.
• Inligting oor die toerusting wat jy gebruik om toegang tot ons Platforms te verkry of hulle te gebruik, insluitend die soort toestel wat jy gebruik, hoe jy toegang tot ons Platforms verkry, jou blaaier of bedryfstelsel en jou internetprotokol-adres (IP-adres).
• Die geografiese ligging waarvandaan jy toegang tot ons Platforms verkry, insluitend jou toestel se GPS-sein en inligting oor nabygeleë WiFi-netwerke en selfoontorings. Ons kry hierdie inligting wanneer jy ligging-geaktiveerde dienste gebruik.

Klik hier om ons groepsbeleid oor koekietoestemming te lees.

Inligting van derdeparty-bronne

Ons kan ander inligting oor jou van derde partye ontvang (waar jy ingestem het dat die betrokke derde party jou inligting met ons deel, of waar die deling van jou persoonlike inligting met ons in ons of jou regmatige belang is), insluitend derdeparty-diensverskaffers wat geoutomatiseerde hulpmiddels soos kunsmatige intelligensie gebruik, en dit kombineer met die inligting wat ons op ander maniere oor jou versamel of van jou ontvang het. Die inligting wat ons van derdepartybronne kan versamel, kan inligting oor jou ligging insluit. Ons kan ook inligting oor jou ontvang wanneer jy jou sosiale netwerk-aanmeldbesonderhede gebruik om op ons Platforms aan te meld. Enige verwerking van jou persoonlike inligting, insluitend verwerking met behulp van geoutomatiseerde meganismes, sal ooreenkomstig wetgewing en die bepalings van hierdie privaatheidskennisgewing gedoen word.

Ons gebruik die persoonlike inligting wat ons versamel en ontvang om:

• Jou te identifiseer, jou identiteit te verifieer, vir jou ’n gebruikerrekening te skep en ’n kontrak met jou aan te gaan.
• Jou te voorsien van inligting, produkte of dienste wat jy van ons aanvra.
• Te voldoen aan enige kontraktuele verpligtinge wat ons het ten opsigte van die verskaffing van inligting, produkte of dienste aan jou.
• Met jou te kommunikeer oor ons Platforms en die verskaffing van inligting, produkte of dienste, insluitend rekeninge, kliëntesteun, oplos van klagtes en gehaltebeheer.
• Jou in kennis te stel van veranderings aan ons Platforms, dienste en produkte, bepalings en voorwaardes, privaatheidsbeleid of kennisgewings, en enige ander veranderings wat ’n impak het op ons Platforms, dienste en produkte.
• Vir jou inligting te stuur oor kompetisies, produkte en dienste waarin jy dalk belang stel.
• Ons Platforms meer gebruikersvriendelik te maak.
• Ons Platforms, produkte en dienste aan jou te bemark, onderhewig aan jou reg om te weier om direktebemarkingskommunikasies te ontvang.
• Jou interaksie met ons Platforms persoonlik te maak, ons dienste en Platforms op jou belangstellings en behoeftes toe te spits, en te verseker dit werk op jou toestel.
• Advertensies te verskaf wat op jou van toepassing is, die getal kere dat jy dieselfde advertensie sien te beperk, en die doeltreffendheid van die advertensies op ons Platforms te meet op grond van jou aanlyn aktiwiteite, soos die webtuistes en apps wat jy gebruik of inhoud waarna jy kyk, en inligting wat ons oor jou het.
• Terugvoer van jou te kry wat ons nodig het om ons produkte en dienste te ontwikkel en ons besigheid uit te brei.
• Ons erkende sakebelange te beskerm, soos skuldinvordering, bywerking van ons rekords en bestudering van ons kliënte- of gebruikersprodukte en -dienste.
• Aan enige regs- of regulatoriese verpligtinge te voldoen, soos belasting- of finansiële wetgewing.

Ons gebruik ook jou persoonlike inligting vir navorsings- en statistiese doeleindes. Die navorsing en statistieke wat ons van hierdie proses verkry, sluit nie jou persoonlike inligting in nie en kan nie met jou verbind word nie, en jy kan ook nie deur middel van hierdie statistieke geïdentifiseer word nie.

Ons kan spesiale persoonlike inligting op sommige van ons Platforms versamel. Ons sal hierdie inligting slegs versamel en verwerk indien jy duidelik toestemming daarvoor gegee het en slegs vir die spesifieke doel waarvoor jy toestemming gegee het.

Ons sal nie jou persoonlike inligting sonder jou toestemming vir enige ander doel gebruik nie.

Ons hou jou inligting vir so lank as wat ons dit nodig het om ons Platforms, produkte en dienste aan jou te verskaf en ons deur wetgewing of die kontrak tussen jou en ons verplig of toegelaat word, of jy ingestem het dat ons jou inligting hou.

Ons verkoop nie jou persoonlike inligting aan derde partye vir hul bemarkings- of ander doeleindes nie.

Ons kan jou persoonlike inligting verskaf of beskikbaar stel aan:

• Ander maatskappye in die Naspers-groep of maatskappye, wie se besonderhede hier beskikbaar is, om meer oor ons kliënte te wete te kom en ’n meer relevante, boeiende kliëntervaring te skep.
• Maatskappye wat dienste aan ons of namens ons lewer, of ons in staat stel om dienste aan jou te lewer of Platforms te bedryf, insluitend kontrakteurs, skuldinvorderaars, prokureurs en ouditeure.
• Ander partye waar wetgewing ons verplig om jou persoonlike inligting te verskaf of om ons Platforms te beskerm.
• Voornemende en werklike kopers, indien ons enige deel van ons besighede of bates verkoop, oordra of saamsmelt, of voornemende of werklike verkopers, indien ons kies om enige ander besigheid te koop of daarmee saam te smelt.
• Derde partye indien jy ingestem het dat ons jou persoonlike inligting met hulle deel, soos waar jy vir ’n kompetisie inskryf wat deur ’n derde party geborg word en waar die verskaffing van jou inligting ’n voorwaarde vir deelname aan die kompetisie is, of waar jy belangstelling toon in ’n produk of diens waaroor jy meer inligting verlang.
• Ander partye wat inhoud, advertensiedienste of funksionaliteit op ons Platforms verskaf. Hierdie derde partye sluit in: i) advertensiediensverskaffers wat ons en ons advertensiekliënte help om advertensies te verskaf wat toegespits is op gebruikers se belange, ii) maatskappye wat gehore meet en ons help om die algehele gebruik van ons Platforms te meet en dit met ander aanlyn dienste te vergelyk, en iii) sosiale netwerkdienste soos Facebook, Twitter, LinkedIn en Instagram wat jy kan kies om te gebruik om te registreer vir en aan te meld op van ons dienste, en materiaal wat jy op ons Platforms kry met jou sosiale netwerk te deel. Ons beheer nie die privaatheidspraktyke van hierdie of enige ander derdepartydienste nie en beveel aan dat jy hierdie dienste se privaatheidsbeleide lees voordat jy by hulle inskakel. Hierdie derde partye kan inligting oor jou gebruik van ons Platforms versamel of ontvang, insluitend deur die gebruik van koekies, webmerkers en ander tegnologieë, en hierdie inligting kan oor tyd versamel word en met inligting gekombineer word wat op verskillende webtuistes en aanlyn dienste versamel is.

Ons kan ook jou persoonlike inligting met derde partye deel, insluitend ons derdeparty-diensverskaffers wat kunsmatige intelligensie-hulpmiddels kan gebruik, om jou persoonlike inligting te verwerk, mits die derde party ingestem het om gebind te word deur hierdie privaatheidskennisgewing of soortgelyke voorwaardes wat dieselfde mate van beskerming as hierdie privaatheidskennisgewing bied.

Ons deel ook ons navorsing en statistiese inligting met verskillende derde partye. Hierdie inligting sluit egter nie jou persoonlike inligting in nie, kan nie met jou verbind word nie en jy kan nie deur hierdie statistieke geïdentifiseer word nie.

Let asseblief daarop dat van die mense en maatskappye wat toegang tot jou persoonlike inligting het buite Suid-Afrika geleë is. Ons sal nie jou persoonlike inligting met hierdie partye deel nie tensy hulle gebind word deur privaatheidswetgewing en korporatiewe reëls of ooreenkomste met ons wat die privaatheid van jou persoonlike inligting beskerm en hul vermoë beperk om jou persoonlike inligting met ander partye te deel. Ons sal jou toestemming verkry voordat ons jou inligting met enige derde party deel.

Jy het die reg om ons te vra om jou nie vir bemarkingsdoeleindes te kontak nie, en jy kan dit te eniger tyd doen deur enigeen van die verskeie kansellasie- of “opt out”-opsies te gebruik wat ons altyd verskaf wanneer ons vir jou bemarkingskommunikasies stuur.

Ons bestuur verskeie afsonderlike bemarkingsverspreidingslyste van Media24 se verskillende sake-eenhede en wanneer jy jou naam op een verspreidingslys kanselleer, beteken dit nie jou naam word outomaties van al die ander lyste verwyder nie.

Jy het ook die reg om toegang te versoek tot die inligting wat ons oor jou versamel het, en te versoek dat ons enige verkeerde of onvolledige inligting regstel of bywerk, of dat jou persoonlike inligting geskrap word. Jy kan dit doen deur die dataonderwerp-versoekvorm in te vul – klik hier.

Tensy ’n geldige uitsondering ingevolge privaatheidswetgewing bestaan, het jy die reg om nie onderhewig te wees aan ’n besluit wat regsgevolge vir jou inhou of jou beduidend affekteer nie, indien die besluit slegs gegrond is op die geoutomatiseerde verwerking van persoonlike inligting wat bedoel is om jou profiel saam te stel, insluitend aspekte soos jou prestasie by die werk, kredietwaardigheid, betroubaarheid, ligging, gesondheid, persoonlike voorkeure, of gedrag. Indien hierdie reg op enige geoutomatiseerde besluitneming wat ons onderneem van toepassing is, sal ons jou die geleentheid gee om vertoë te rig oor ons besluit.

Jy kan te eniger tyd ’n beswaar by ons indien oor ons versameling en gebruik van jou persoonlike inligting deur hier te klik.

Ons het administratiewe, tegniese en fisiese veiligheidsmaatreëls ingestel om jou persoonlike inligting te beskerm en verlies, skade of ongemagtigde toegang tot of openbaarmaking van jou inligting te voorkom. Hierdie veiligheidsmaatreëls is gebaseer op algemeen aanvaarde inligtingveiligheidspraktyke en -prosedures wat van toepassing is op die Platforms, produkte en dienste wat ons verskaf. Ons gaan gereeld na of hierdie veiligheidsmaatreëls reg geïmplementeer word en voortdurend bygewerk word ten opsigte van nuwe risiko’s of enige geïdentifiseerde tekortkominge.

Enige inligting wat jy deur middel van die internet aan ons stuur, is op jou eie risiko. Sodra ons jou persoonlike inligting ontvang het, is ons veiligheidsmaatreëls van toepassing.

Indien ons enige dienste aan ’n derde party uitkontrakteer wat die versameling of gebruik van jou persoonlike inligting vereis, stel ons kontrakte op wat vereis dat hierdie maatskappy of mense die veiligheid van jou persoonlike inligting respekteer, dit in ooreenstemming met die wet hanteer, en dit slegs versamel en gebruik vir die doeleindes wat deur ons gemagtig is.

Ons Platforms bevat skakels na en vanaf webtuistes, mobiele toepassings en/of dienste van derde partye, adverteerders en/of geaffilieerdes. Deur op hierdie skakels te klik of hierdie konneksies te aktiveer, kan derde partye inligting oor jou versamel en deel. Let asseblief daarop dat hierdie derde partye nie deur ons geëvalueer is nie. Ons het ook geen beheer oor hierdie derde partye nie en is nie verantwoordelik vir die privaatheidspraktyke van sodanige ander partye wanneer jy ons Platforms verlaat nie. Ons beveel aan dat jy die privaatheidsverklarings lees van elke webtuiste wat jy besoek en wat persoonlike inligting versamel.

Media24 is in Suid-Afrika gesetel en jou inligting kan gestuur word na en in stand gehou word deur bedieners in Suid-Afrika of elders in die wêreld, ongeag waar jy ons Platforms, produkte of dienste gebruik of toegang daartoe verkry.

Enige inligting wat ons oor jou versamel of van jou ontvang, word bewaar ooreenkomstig Suid-Afrikaanse privaatheidswetgewing, regulasies en standaarde, wat moontlik nie met die wetgewing van jou land van verblyf ooreenstem nie.

Hierdie weergawe van die privaatheidsbeleid is laas op 30 Augustus 2024 bygewerk en vervang enige voorafgaande privaatheidsbeleide.

Ons kan hierdie privaatheidsbeleid van tyd tot tyd bywerk. Enige veranderings wat ons aanbring, sal op hierdie bladsy geplaas word en op die toepaslike wyse aan jou gekommunikeer word. Wanneer jy ons Platforms gebruik, is die weergawe van die privaatheidsbeleid wat op hierdie bladsy geplaas is op jou van toepassing. Ons moedig jou aan om hierdie privaatheidsbeleid te lees elke keer wanneer jy ons Platforms gebruik.